أبو وَجْه بَشَّاش

ابو وجه بَشَّاش

اهــلا هــلا يـا بــو وجــه بَشَّاش
تـرى شبـت بـنـا حـمـر اللهـايـب

مـن شافـك يـبـيـع الـرِّيم بـِبْـلاش
وِشَ الرِّيـم ؟ عـنـد زين الحبايب

يا بـو خـلْـخـالٍ يـِقْــرِشْ إقْــراش
عــود قـلـقـلانن هــزَّتْه الهَـبايـِبْ

يا بو عـيـون سـود برمش هَوَّاش
وخــدود ورد دلـلـتـهـا الــذُّوايِـبْ

مبسمك والبرق بـه ديـم ورْشاش
حـلــو كـمـا در وُضْــحٍ حَــلايِـبْ

الى بغـيـتـني بس إرْمِشْ إرْماش
وانا عن ارضـاك ما كنـت غايِبْ

تَـبْـيَ السّمَر؟,, انـا انا لليل نَهَّاش
ولجـلـك عـنـدي تهـون الصَّعَايِـبْ

ودِّي انـك عَليْ كــل لـيـلٍ هَـتَّـاش
لا مـراعـيٍنْ ولا لـلـعـــذَّال هـايِبْ

  

جار سهيل