أكوانَ الحلا فيك

أكوانَ الحلا فيك

وشْ راي مـن شافــك قـبـل يلـقــاك ؟

اكــــوانَ الحـــلا فـيـك واللي حــواليك

وســـلام رِمشِـكْ قـبـل تِشِّرْ بـيـمـنـاك

وهـذا نصف القُمَرْ ساجدٍ فـوق عينيك

لـيـتـك تشوفـك والـبَـهــا مِـنْك يكساك

ومشية غـزالٍ(جِفَـلْ مِنْك)مشي رجليك

لـيـتـك تشـوف شالـك والهــوا يَقْـفاك

والشَّعَرْ مَـفْـلـول ,, هَفْهَفْ ورا كتفيك

لـيـتـك تشوفـك يـوم زلَّ القِـدَمْ بِحْـذاك

إيــدٍ تِجِــرِّهْ وإيــدٍ تَعَـلَّـت خوف يكفيك

ليتك تشوف الـبرق , برقٍ مـن ثناياك

بسمة الـخـــوف يـــوم (قَطْقَط) الـديك

ليتك تشوفـك وأنت خـايف وانا أرعاك

لـيـتـك صدقـت يــوم قـلـت : انــا أبـيك

ما كـان وِدْ ! بس خـوف الـديك ياطـاك

تخُـوبَلَتْ رجليك , هـذي تاطا على ذيك

كان يمكن آصلك , بس , غيري تَلَقَّاك

وبـِدَتْ سيرةٍ , مـا سَرَّتْ سوى شانيك

جار سهيل

تَعَدِّيت الصَّبُر كِلّهْ

تَعَدِّيت الصَّبُر كِلّهْ

يـا قـلـبـي تـعــديـت الـصــبـر كِـلّهْ

وإنـتـهـى مِــنِّـي كِـــل إحـتــمــالي

شِــفْ الـيـآس , كِـل مـا بي يِـتِـلـَّه

صــايِـرْمـثـل ظِـلِّـي , دايــم عدالي

كِــنِّـي نـفـــودٍ والشـمـالـيّـه تِـهـِلّهْ

ولْـعِـلْمِـكْ , تـرا , طـبـعـي شمالي

الحـظ (هـقـوِتِكْ) , دايِمْ في ِمِحِلّهْ؟ 

  وأنا من غـير حـظي وش بقى لي؟   

****

رفـيقي حــار بأمـره , عَجزٍ يحلِّهْ؟

هـوعـنيد , وبالحسـافـه بَسْ يلالي

بسـمة الـحــظ , كـانـت مِـنْـوةٍ لِّـهْ

فـي غـفـلـتـه  بـالسنين الـخــوالي

يـــوم مِـــزْنَ الأمــانـي مِسْـتِـهِــلِّهْ

وآه مِــنِّــكْ يــا زمــان الهُــمَّــلالي

جار سهيل