وصيَّة عابرة سبيل

قالت عابرة سبيل(رحمها الله) في وصيَّتها لزوجها أثناء مرضها :

ترى الـذبـايـح واهـلــهـا ما تسليني
انا أدري إن المرض لا يمكن علاجه

ادري تـبـي راحـتـي يـابـعـد عـيـني
حـرام , ما قصًّرَت إيديك في حـاجـه

إخــذ وصـاتـي وامـانـه لاتـبـكـيـنـي
لـو كـان لـك خاطـرٍ ما ودي إزعاجه

ابيك فـي ايدينك تشهّـدني وتسقيني
وداعــتـك لا يـجـي جسمي بـثـلاجـه

لُـفَّ الكِفَن في ايديك وصُفْ رجليني
ما غيرك أحدٍ كِشَف حسْناه وإحراجه

ابـيـك بـالـخـيـر تَذْـكُـرني وتطـريني
يـجـيـرني خـالـقـي مـن نـار وهَّـاجه

سامح على اللي جرى مابينك وبيني
أيـام أمشي عــدِلْ , وأيـام مِـنْـعـاجِـه

إعـيالي هَـمِّي , وانا اللي فيْ يكفيني

عَـلِّـمْـهُـمْ الـدّيـن , تفسيره ومِنْهاجه

الله يتغمدها بواسع رحمته
تفوقت على كثير من شعراء اليوم