السبت، أكتوبر 08، 2011

وتاليها مع قلبك ؟!

من إيميلي

  وتالـيها مـع قـلـبـك؟ انـا ناقـص وجـع وجـدان!!
   دخيلك فـضي السـيـره  تعـبـت انـزف معـانـاتي

  تعـالي نـنهي الـماضي ويكـفـيـنا نكــون اخــوان
   ابـطـوي صفحة العاشق واعـيد احسب حساباتي

 انا الجـاني وانا الـمجـرم وانا الغادروانا الخـوَّان
   وانا اكـبـر غــبي شـافـك حـديـقـه فـي مساحـاتي

  ما عاد اقـوى على الظلمه ولا اقدر على الكتمان
   احـس انـك قـتـلـتـيـني ! وجــت ساعـة نهـايـاتي

  نسيتي ساعـة الـلـقـيـا ؟ نسيتي لـمة الاحـضـان!
    نسيتي تِعْـبَ الـقـلم يكـتـب قـصايد من عـذاباتي !
    
      تغـيـرتي ولاعـدتي ... مثل اول زهَـرْ عـطشـان
    وحـنـاني لـلأسـف كـنّـه .. بـقـايـا مـن خـرافـاتي

    تكبَّرتي وتجـبَّرتي ... وصارت شوفـتـك سلـطان
   وانا اهْـبل على النيه .. ما غـير ارسل إبتساماتي

    اقـول بخـاطـري يمكـن .. تغـيرْعـندها الـعـنـوان
    يا شيخ اسكت متى تفـهـم! صحيح اني وهم ذاتي

    حسبتك مِنِّي وفـيـني .. واهـمـك لـو أجي فـرحان
    ولـكـن شـفـتـك بعـيـني . تـصـديـن إبـتـسـامـاتي

   حسبتك تفـتحي قـلـبـك .. اذا كان الـوجـد زعلان
   ولكـن ما كـذب خـدي ... وهـو يشـهـد بـكـاءاتي

  فراقـك اصبح الـغـايه ... ولا ني عالهـجـر ندمان
  قـراري بالـبـعـد عـنـك ... تراه اسـهـل قـراراتي

  وداع الـذل يا ذلي ... وداع الـمـوت مع الأكـفـان
عطـيـتـك قلبي معه روحي .. ولا صنتي اماناتي

   وش الحـيـله اذا فـكَّـر... قـتـيـلك يهجر الأوطان
 طلبتك زيـدي الـطـعـنه ... ابي اشعـر بـنـوباتي

وعلى شاني اذا باقي ... بداخـل حضرتك ايمان
  ابيها من ورى ظـهـري ... وانـا اتلي صلاواتي

 
   يا من تقدر تعوضني عن الضيقه وعن الاحزان
 بشـرط اني انـا الـكـوكـب وهـي ابعـد مجـراتي

 خـلاص بذمـتي والله  ما عـاد ارجـع الى الادمان
 عرفت ان الـغـدر انثى  وانا تعبت اجمع علاماتي

 صفر طيبي صفرصدقي صفر حتى مع الاحسان
 صفر شعري وضاعت أقلامي وممْحاتي ومبْراتي

  صفر ليلي .. صفر ويلي صفر خافق نطر سهران
  صفر دمعي . صفر شمعي . صفر بوحي ونبراتي

  صفر شوقي صفر عشقي صفر مغرم صفرولهان
  صفر وجـدي صفر شهـدي صفر نوحي وزفراتي

 بعـد كـل العمر هـذا . عـرفـت اني انـا الـغـلـطـان
 حسافـه جـتـني مـتـاخـر ... مـراحـل اكـتـشـافـاتي

ولـكـن ما اقــول إلا ... خــذوا حـبي بـعـد قـربـان
 حـقـيـقـه مالها معـنى .... اسولـف عـن حـكـايـاتي

فمان الله . فـمان الله . فمان الله ما ني عليك ندمان
وابكـتـب انا بأسمي رساله .. لعله تقصر مسافاتي


قـصـيـدي لا تواخـذني .. مسيري اخْزيَ الشيطان
 يـكـفي اذكـر اسم الله ... وابـتِـعِـد عـنها تـفـاهـاتي




التوقيع
احدهم
بتصرف من 
جار سهيل

ليست هناك تعليقات: