الجمعة، أبريل 20، 2012

كنت بلجها راقد


كنت بلجها راقد

ضربـت اخـمـاسي عليكم بـالاسداس
وناتـج هـواكـم يـا كــود طـلـع واحـد

عمرٍ مضى لي كنت بْلجِّـته مِحْـتـاس
واللي بـقـى لي فـيه ما ظـنِّـتي واجـد

صـكَّـتْـني سنيني مثل صـكَّـة اضراس

ما عِشْتَها ,, بس كـنـت بْعَجَّـها راقــد


لقيت الناس اجـنـاس ,, نـاسٍ ونـاس

ناسٍ تشتري قـربـه وهـوعـنّـك يباعد


ونـاسٍ حـايـره , هَـمَّهـا عَــدَّ الأنفاس
الـطَّـبِـعْ سكَّانة هـوى ولا فيهـم فـوايد

ما دريت إن الهوى بيتٍ معدم السَّاس

بالصبرتبنيه وعليك تـالَ العمر هـاجِـد


خـيـبـة وإحـباط ومنهـم قـلة إحـساس

لـوطـابـت النيِّهْ قـالـوا الـطـيـب زايـد!


الـعـمر , وإن يَسْري الـوقـت يِـنْـداس

وان بـغـيـت الحـل , قـالـوا الحـل كايِد


يحَمْسونك , ولِــجَّ الـهــوى المِحْماس

ابَـصـْبِـر, ولا ني عـنَ الـصّـَبُـر حـايِـد


هَـقـيـتَـهـا , وما كِـنـتَ أجْـهَـلَ الـنـاس

بـيـن الـرّجـا والـيـاس , حـايِـرْإمْحـايِد


ومـن جــاه مـا جـاني يِـبـْشِر بالإفـلاس

إذا الـرّجــا بْـيـاسك , تـرى الأمــل بايِد



جار سهيل

الأربعاء، أبريل 18، 2012

المَرْجلَهْ


المَرْجلَهْ

بهـالـزمـن كـلـن بالـمـرجـلـه يـدِّعـي
والـمـرجـلـه مـهــرهـا يشـيِّـب الرَّاس

الرجال منهم أصلي , وفــيـهـم مصنعي
 وإفـهــم يـا فــهــيـم كـان انـت فـرَّاس

يا سامـع إنـتـبـه , إسمـع وخـلـك معي
أنـت مـن هـالـنـاس وخـلـك مع الـنـاس

لا تهايـط , إقـنـع , وقـل يا نفس إقـنعي
تـراك أنـت انـت , مـا يـرفـعـك خــنَّـاس

الـمـرجـلـه مهـي بـربـرة قــولٍ وإرثعي
ولاهي وعودٍ بالهـوا ما تدوَّنْ بقرطاس

ولا كانت مظـاهر مع زَمْرِه وقلَّةْ  وعي
اوكـرش وعــقــالٍ فـوق أصلعَ الــراس

ما ياصل هامَةَ الـعـليا كـود شيخٍ واقعي
الـلـي يـدوس الـراي مـن قــبـل يـنـداس

هــات إذنــك تـراهــا عــنـدك , كِــنِـعـي
خـلـك طـبـيـعـي وصِـرْلـلـخـيـر غــرَّاس

خـل مِحتاجِـكْ يـقـول : وش مـنـك معي
 تـواضع لِهْ وخـلـك لـلـطـيـبـيـن نـبراس

****

وكانه تعذَّرفإكتب إسمك في تراتيل النعي
لمَّن تكـون الجنازه , جنازة نفيخ الراس

جار سهيل

السبت، أبريل 14، 2012

الغَرَابَهْ

الغَرابَهْ


 الغـرابه مهي فـي ظُـرْفَ الإبتسامه
 ولا بخـدٍّك الـوردي او فـي عـيـونـك

 ولا هـي شــكٍّ فـالـقـمـر وإنـقـسـامه
 حـتى الـكـواكـب فـالشـبه يحسدونك

 ولا في تفاصيلك والـقـمـر في تمامه
 مـن تـضـوي , حـتى حسادك يبونـك

 حـتى ظـلـك لوضاع قالوا : علامه ؟
 مـن غـيـرة فـيهـم .. عـنّه ينشدونـك

 قـولي خـفيف , مثله ريش النعـامه
 وانـا صـرت ضمن ناسٍ يغـبـطـونـك

****
 تصاريفك موغريبه يا شبيه الغمامه
تستخيل وتستديم وبلحـظـه يفقدونك

 يستاهلك من ورا ظـلـك ينـثَرْغرامه
والغـرابه هي جـفـوتـك للي يحبونك


جار سهيل

السبت، أبريل 07، 2012

بديت افهم




بديت افهم

بديـت افـهـم لـيـه الـخـلـق مِحـتاسه ؟
ولـيـه كلٍ يـقـول إنه قـويْ إحسـاس ؟


ويحْـسِـب عـلى مِن حـوله , انفاسه ؟
كأنه بكـفـة المـيزان ومعـادل الـنـاس

إذا بغـا يناقـش يصك عليك اضراسه
تـقـول إنه خـبـيـر هـالـكــون يا ناس!

يجـزم فـي خـطـا غـيره , مـبْرِمٍ راسه
وهـو وحـده الـعـارف وللعـلـم جساس

دوم يخـطـي وأكـيـد مضـيِّـع الـطـاسه
الخـطـا مِنِّه غـير! , لوالخطا له ساس

هـذي طـبـوعه وشين الطـبـوع ساسه
إذا إنتكس طبعه ترا المجتمع محتاس

جار سهيل

أنتي درّةٍ في جبيني

 قديمه عمرها 30 سنه                             


أنتي درّةٍ في جبيني  


خـبـريـنـي مـتـى ماضـينا يعـود ؟
ومـعـه الـوديـعـه , وما كـان فيني 

لـيـتـه يـوفي لـنـا ضربَ الـوعـود 
وفـي بـعــضـنـا نـرجـع مِحْتِميني

ويـن اللي عـقـدنـاهِ مْـنَ الـعُـهُـود
والـهـوى الـلـي كان بينك وبيني؟

يـوم تمْـطِـر عْـيـونِك , هَكالسُّـود
وبِـدْمـوعـك قـلـتـي: عينك بعيني

عُـقْـبَـهـا ,,  شـوفـي وِشَ الـفُــود
بعـد الـلـي صار, اتعبتني سنيني

كــل يــومٍ عُـقُـب يــوم ,, بْـزُود
وبـكـرا يمكـن نِصْـبِـح مِدِرْسِيني

وانا ادري إنك تبي كِلِّي يالعـنود
تبي وَصْلي ومن جِدِّك مشتريني

بَخبِّرك وانتي لو سمحتي بِحْدود
في محنتي ساعديني لو سمحتي 

تراهـا الـفَـرْقـا وحـظِّيَ المَقْـرود
اذهَـلـوني ,, وابي منهـم تنقذيني

شوفي حـالي مـن براها ؟ ويَكُود
 بالأمل  تسمح الـدنـيـا تـلـتـقـيـني

ما هو غلط , إن معنا منهم شهود
يـوم صِـرْنـا لـيـآسـنـا صفحتيني

واللي عذلنا وحسدنا , إبْكِل بُرود
قـال إنـكـم , في حـبـكم مِسِرفيني

وش تقـولين عن زرعنا والعهود
بدمـعـتِـك سقيناه ومِنِّي دمعتيني؟

شوفي رسايلنا ما تِنْقرا , إطْرود
حـفـظـنـا سرَّهـا بس بينك وبيني

تـذكـريـن خْبالنا بْصَـدْر النُّفود ؟

وهبالنا بالسيل , ولعبنا الطيني ؟

****

لا تنسين إن الفجيعه يوم الورود
إنـنـا صـرنا انـا وانـتـي منتهيني

والـهـوى لـلـشـقـا اصـبـح وقـود
يمـكـن به ادفِـنْـك , والا تدِفنيني

تِذكَّـريْ يمكـن نِلتِقي بعد اللّحُـود
 تذْرانا الهَـبَايِـب وتْضُفِّـنا ذرِّتيني

ويـكـتـب الله نـلـتـقـي بعد الركود
بأرض بعيده بالـيابان اوالصيني 

او مـا يـنـدرى ويـن تبقى الحدود
المهم رطـيـنـك يلتقي مـع رطِيني

وقـتـهـا لا عـذولٍ منهـم او حـقـود
بـس انـا .. وانـتـي درةِ في جبيني
 

جار سهيل

الاثنين، أبريل 02، 2012

بعض العجايز


تراثيه

بـعـض الـعـجـايـز للمـحـازم يميلنْ
يازِيــن حِــزْمــتـهـن لـيـا سـيَّـرَنّي

لِبْسَنْ حزام من الذهـبْ وَيْن يَبْغَنْ؟
ولـيـا انـتـهى الـمسيار قامت توِنّي

سمعت بطار العرس وقامت تلسَّنْ
ولكـفـوفـهـا والـكـعـب قامت تحنِّي

يا عِـجْـز حـول شياهـكـن لا تدِيرِنْ
وقـتٍ مضى يا عـجـز ما هو مثَنيِّ

الـعـاقـلـهْ مـنـكـن تمشَّى عـلى قَـنْ
مـقـدارهـا فـرضٍ عـلـيـنـا وسِـنِّي

لاجـل انهـا بالـعـقـل تـازن وتوزن
وتستاهـل الـتـقـديـر مـنـكـم ومني

خـلِّـن دلال الـفـن لـلـي عـلى فــن
اللي زهـاهـا ضـافي الـلـبـس فنِّي

عـمـهـوجـة من صفوة الغيد تِفْتَنْ
غـصـنٍ مـن الـبـانـة ثمرهـا مقنِّي

نجـل العيون بصافي الكـحـل يُغْـذَن
وسود الرموش لموق عينه غطنِّي

شـقـر الذوايب فـوق صدره نثرهن
وفـوق الردوف لـيـا مشى دعثرنِّي

والخـشـم خـنجـر صانعه به تمـكَّـن
ومبـيـسـمه خاتـم صـنـع فـي تـأنِّي

هـذي لـيـا لـبـست ومـرَّت عـليهـن
حـلـوم الـشـبـاب لغــيـهـا فـسَّـرنِّي

أمــا لـيـا قَــفَّــى زمـانـك تـفــطّـــَن
احــذر مـنـاقــيـد الـعــرب لا يجِـنِّي

صلن وصومن واعبدن من خلقكن
وانـسَـنْ زمــانٍ راح لا تَـحْــلـمِـنِّي

علي مسعد الجهني
شاعر وادي العيص))